General Santos City—Gikabutyag karon sa Sarangani Provincial Police Office nga dili matud pa nila masulti nga involve sa iligal drug activity ang AKP kon Ansar Al Khilafa Philippines ug kung aduna kiniy koneksyon sa El Parton Drug Group nga gikaingong gipamunuan ni Mayor Ancito Lopez Jr sa Maasim.
Sumala pa ni Police Sr. Supt. Joseph Semillano ang Provincial Director sa Sarangani Provincial Police Office nga sa karon wala silay nadawat nga mga report kabahin na sa involvement sa maong grupo ngadto sa iligal nga droga, gani sa kadugay na matud pa nila naga pahigayon ug operasyon batok sa mga myembro sa AKP wala pa silay narecover nga droga sa panimalay sa mga nasangpit.
Samtang miuyun usab si PDEA 12 Director Gil Castro sa nahimong pahayag sa kapulisan kabahin na sa involvement sa AKP sa iligal nga droga.
Sumala pa ni dir. Castro nga gikinahanglan matud pa nga klaro sa tanan nga dili tanang myembro sa AKP ang adunay koneksyon sa El Patron Group nga usa ka sindikato ug droga sa rehiyon, aduna lang matud pay pipila ka mga myembro niini nga mi-sideline ug droga gawas pa sa ilang mga extortion activity. (Dave Silagan)
