General Santos City–Gipaklaro ni Ben Sumug-Oy ang chairman sa I-depend Gensan nga dili tanang progresibong grupo ang naapil sa gikaingon sa kasundaluhan nga nahimong legal front sa NPA ug giangkon usab niini nga dunay pipila ka mga progresibong grupo ang dunay koneksyon sa rebeldeng grupong New People’s Army.
Sumala pa ni Sumug-Oy nga kabahin sa ilahang grupo, wala kini koneksyn sa communist party of the Philippines kon dili ang ilaha lamang gipakigbisugan ang pagreporma sa mga hiwi nga binuhatan sa gobyerno ug dili nga pasinganlan sila nga legal front sa mga NPA.
Samtang pagbutyag man usab ni Congressman Caloy Zarate sa Bayan Muna nga usa lamang ka pagpangdaot sa mga progresibong grupo ang pamahayag sa militar nga legal front sa NPA ang mga progresibong grupo.
Sumala pa ni Zarate nga mas maayo ang himoon sa gobyerno nga hatagan nila ug pagtagad unsaon matabangan ang mga kabus aron makabaton pod ug haruhay ng panginabuhi ug hatagan ug sulosyon ang mga problema sa nasud ug dili ang bisan unsa nalang ang ipasangil sa mga progresibong grupo nga walay laing tumong kondili ang pagpakgang sa mga hiwing binuhatan sa mga opisyal sa gobyerno. (Reynald Timario)
