General Santos City–Gikataw-an lang ni Police Sr. Supt. Raul Supiter, City PNP Director sa General Santos City Police Office ang aligasyon sa pamilya sa usa nila ka dinakpan sa gihimong search operation sa Purok Pandian, Barangay Labangal kagahapong adlawa nga sila nananum ug ebidensya ngadto sa ilahang target.
Sumala pa Col. Supiter nga walay basehan ang aligasyon sa kabanay sa ilang dinakpan.
Gipaklaro usab niini nga mandato nila ang pagdakop sa mga naghupot ug armas gani, ayha paman gihimo ang search operation nagpahigayon pa sila ug surveillance ug verification aron lang masigurong mahimong positibo ang ilang operasyon.
Dugang pa niini nga sila sa kapulisan bugtong tumong lang nga masanta kining naghupot ug iligal nga armas hilabi na sa mga lugar nga adunay natigayong komplekto sa luna.
Dili ikalilong nga ang lugar hain gipahigayon ang operasyon kagahapong adlawa, gubot kaayo gumikan sa away sa yuta ug may mga kaso na usab sa pagpinusilay nga natigayon sa maong lugar nga gikalambigitan sa mga claimants.(Dave Silagan)
