General Santos City—Samdan ang usa ka Laborer human nga gidunggab sa kaubanang laborer didto sa may Promise Land, Barangay Mabuhay, Gensan alas 6:45 ang takna kagabie, July 8, 2018.
Biktima giilang si Noli Carmona II, residenti sa Purok Pag-asa, Barangay Mabuhay, Gensan.
Sa report sa Police Station 4 nasuta nga nagbaktas ang biktima kauban sa iyang asawa diin sila miagi sa may Purok 19, Promise Land, Barangay Mabuhay.
Kalit matud pa silang giduol sa suspek nga si Jerson, 24, residenti sa maong lugar dayon gidunggab ang biktimang si Carmona pila ka higayon.
Paspas nga misibat ang suspek sa wala sayring lugar samtang ang biktima, daling gidala sa ospital. Sa karon nagpadayon ang gihimong imbistigasyon kalabutan sa insidenti.
Facebook Comments
