Dinagat wala makalingkawas sa COVID, 7 ka kaso natala
Dugang ihap sa mga nagpositibo sa covid 19 gianunsyo sa DOH Caraga, diin unang 7 ka kaso sa virus ning bulabog sa malinawon nga isla sa Dinagat.
Kini natala taliwala sa taas taas nga panahon nga COVID Free o walay confirmed case ang maong isla sa Dinagat.
Nasudlan usab sila ug kaso bisan pa man sa hugot nila nga pag bantay pinaagi sa striktong protocol sa tanan nga mga residente ug trabahante nga musulod sa Isla.
Subay sa updated report nga gianunsyo sa DOH Caraga bagong 35 ka mga bagong confirmed positive COVID 19 cases ang natala human madawat ang bagong 146 RT PCR Confirmatory results nga gisubmiter sa geneXpert laboratory of BMC, SPMC ug Davao One World
Sa maong ihap 111 ang miagawas nga negative ug 35 ang positive sa COVID 19 virus
Ang mga negatibong resulta ang gikan sa 17 Suspect cases sa Nasipit District Hospital, Butuan Doctors Hospital, MJ Santos hospital, Caraga regional Hospital ug agusan del Sur quarantine facility.
19 Probable cases gikan sa Agusan del Sur, probinsya sa Dinagat Islands ug Surigao del Sur quarantine facilities .
75 high risk of exposure individuals sa mga nagpositibo sa rapid antibody test, health workers, ug may close contacts sa COVID 19 nga mga pasyente.
