ILOILO City – Ginakabig ang Iloilo dinagyang festival nga main driver sang ano man nga akibidad sa syudad sang Iloilo.
Nakabenipisyo ini indi lang sa torismo kundi sa iban pa nga ancillary services.
Suno kay Iloilo business club executive director Maria Victoria Lara, isa sa mga rason kun ngaa nagadamo ang hotel investments sa Iloilo amo ang dinagyang festival.
Dugang pa ni Lara nga ang festival nagatranslate sa economic benefits kag indi lamang ini parada kundi parte man sa pagkaon, performances, kag sports.
Nangin poster event sang mga Ilonggo ang dinagyang.
Sa data sang IBC, sa tatlo ka adlaw lang sang kiosks sa food festival nagakita sang mas o menus P30,000.
Natalupangdan man nga sugod sang 2000 nga ginmanage sang Iloilo dinagyang foundation ang festival, halos 70% sang mga sponsors kag patrons ang padayun nga nagasuporta sa kahiwatan.
Pamatuod ini suno kay Lara nga nakabenepisyo ang mga sponsors sa pagpromote sang ila produkto kag serbisyo. /// via Joel Franco-City Hall Beat
Photo from web
