General Santos City—Gipasang-at na sa Polomolok PNP ang kasong pagsupak sa Article 2, Sec.5 sa RA 9165 ngadto na sa provincial prosecutors office batok sa suspetsadong si Jerry Dequillo alias Tata, 40 anyos, minyo, residente sa Purok 4, Lanton Barangay Apopong, Gensan.
Kahinumduman nga una ng nasikop ang suspek alas 10:40 sa gabie niadtong milabayng adlaw sa gipahigayong buy-bust operation sa mga personahe sa Polomolok Police Station sa pagpanguna ni P/supt Samuel Cadungon sa pakig-alayon sa PDEA-12.
Malamposong nasikop ang nasampit nga suspek kansa napalitan og usa ka sachet nga gituohang shabu sa nagpakaron-ingnon nga posuer buyer nga sakop usab sa operative team gamit ang buy-bust money nga P500.00.
Sa kasamtangan pabiling balhog sa selda sa Polomolok Police Station ang nasampit nga dinakpan.(Reynald Timario)
