General Santos City–Source matud pa sa iligal nga droga sa mga sikad driver sa barangay sinawal ang usa ka James Estrila alyas Bon-Bon, 25 anyos nga nanimuyo sa Prk Soriano Barangay Sinawal ning syudad kansa nadakpan sa gipahigayon nga buybust operation sa mga personahe sa Police Station 4 sa Prk Soriano Barangay Sinawal human nga namaligya matud pa ug Marijuana.
Sumala pa ni po1 Rogelio Caparoso Jr ang imbistigador sa Police Station 4 nga sa nahimo nilang surveillance sa suspect migula nga siya ang naga bagsak ug iligal nga droga sa ilang lugar. Sagad sa mga customer niini mga sikad driver.
Dugang pagbutyag ni PO1 Caparoso nga human silang nakadawat ug impormasyon ila dayon nga gikasa ang buybust operation. Ang transaksyon himuon unta sa Barangay Mabuhay apan idlas matud pa kini ug nagpabalhin balhin ug lugar hangtud sa miabot ngadto sa Barangay Sinawal.
Napalitan ug usa ka pakete sa marijuana ang suspek gamit ang P100.00 mga marked money. Samtang nakuhaan pa kini ug laing 2 pa ka pakete sa gituohang pinaugang dahon sa marijuana.
Wala nalakip sa watch list sa Police Station 4 ang suspect apan nigawas matud pa ang pangalan niini pinaagi sa unang mga dinakpan sa kapulisan.(Dave Silagan)
