General Santos City—dugay nang gipanid-an sa tropa sa City Drug Enforcement Unit (CDEU) ang suspetsadong dinakpan atol sa gihimong buybust operation sa ilang tropa sa may Yumang Street., Barangay San Isidro ning dakbayan nga si Emmanuel Sestina, legal age, nga taga Lim Subd., Barangay Lagao Gensan.
Sumala ni Police Sr. Inspector Brent Salazar, hepe sa CDEU nga dugay na nilang namonitor ang nasampit nga suspetsado.
Niadtong nakalabayng gabie ra nila nataymingan ang nasampit human nikagat sa ilang Poseur buyer ug napalitan ug shabu.
Nasayran nga gawas sa napalit sa usa ka pulis nga (1) ka pakete nga shabu sa suspek, nakuhaan pa kini ug laing (1) pa ka sachet sa gituohang shabu dihang kini gikapkapan human kining nadakpan.
Nasayran usab nga hingpit nang napasakaan ug kaso ang nasangpit ang suspek nga kalapasan sa R.A 9165.
