Dinakpan sa drug operation sa PS-8, kasuhan karong adlawa

7
Handcuffs

General Santos City—Pasakaan nag kaso karong adlawa ang suspek nga una nang nasikop sa mga personahe sa Police Station 8 nga si Floremer Ventura Quinci’ o 23, nga nanimuyo sa Zone 2-A Barangay Bula ning syudad kansa una nang nadakpan atol sa gihimong buy-bust operation alas 8:27 sa gabie sa Prk. 9, Barangay Katangawan, Gensan.

Sumala pa ni Police Captain Robert Fores ang hepe sa Police Station 8 nga ang nasampit nga suspect ang napalitan ug usa ka sachet nga shabu ug nakuha sa iyahang posisyon ang 500 pesos nga mark money ug usa ka replica sa caliber 22 nga armas.


Dugang pa ni Fores nga kanhi nang napreso ang suspect niadtong milabay nga tuig human nga masikop kini sa kasong pagpamaligya ug iligal nga droga ug nakagawas lang human nga mi-avail sa plea bargaining agreement sa gobyerno.

Samtang sa pangutana usab sa kapulisan sa nahisgutang suspect miangkon kini nga siya ang responsible sa serye sa pagpangawat sa area sa barangay Bula ug Barangay Katangawan niadtong mga milabay nga mga simana.

Nasayran nga kasong pag supak sa RA 9165 sec 5 sa art II kon pagpamaligya ug iligal nga droga ang atubangon sa suspect nga sa kasamtangan nagtingkagol sa selda sa Police Station 8.(Dave Silagan)

Facebook Comments