PNP member nga apil sa PRRD List batok droga-dapat nganlan sumala ni Kag. Yumang

11

General Santos City–Gihingusgan ni City Councilor Atty. Edmar Yumang ang chairman sa Peace And Order sa Sangguniang Panglungsod sa dakbayan nga dili lamang unfair kundili usa usab ka diskriminasyon ang dili pagbutyag sa labaw sa PNP sa nasud sa mga pangalan sa mga pulis nga naapil sa drug list ni Pangulong Rodrigo Duterte.

Sumala pa ni yumang nga dili kini makatarunganon alang sa mga pobreng tawo nga gidudahan lamang nga nagamitan ug ginadiling droga unya gilayong i-publish ang pangalan gumikan kay makaguba lang kini sa pangalan o imahe sa usa ka tawo.


Gani sumala pa niini nga unfair usab kini sa mga Brgy,Opisyal nga gipagawas sa kapulisan ang ilang mga pangalan kaniadto nga naapil sa listahan sa drug list sa pangulo sa rason nga usa sila ka public officials nga angay masayran sa katawhan.

Dugang asoy ni Kagawad Yumang nga dapat lang gayud nga isulti sa publiko ang mga pangalan sa pulis nga naapil sa drug list aron magtuo ang katawhan nga wala silay ginadapigan sa pagpatuman sa balaod mapobre man o pulis ang nalambigit.

gipaklaro pa niini walay kalahian sa mga brgy.opisyal ang mga pulis gumikan kay pareho silang nagtrabaho sa gobyerno hinungdan nga dapat gayud nga isapubliko ang mga pangalan sa mga pulis nga nalambigit sa illegal nga droga.

Saysay pa sa opisyal nga kung nagtuo ang kapulisan nga walay ginapili ang balaod dapat ilaha kining ma-implementar nga patas.

dako man usab ang pagtuo ni kagawad yumang nga duna gayuy pipila ka pulis ang nagpaluyo sa mga drug operation kung asa usa niini ang iyang gibasehan si Plt.Col. Espenido nga maoy grabe nga drug monster apan nahibaw-an na lamang nga apil diay ang pangalan niini sa drug list sa pangulo.

Pamahayag ni Yumang nga dili maayo ang nahitabo karun sa han-ay sa kapulisan inay nga sila ang nagapatuman sa balaod sa pagpakgang sa illegal nga droga duna naman hinuoy mga pulis nga nahimong protektor sa droga.

Dapat lang gayud nga mapahamtangan ug tukmang kaso ang mga pulis nga nalambigit sa illegal nga droga sama sa gihimo nila sa mga pobreng suspected drug offenders. (Reynald Timario)

Facebook Comments