General Santos City–Pagmahay ang gibati karon sa usa ka Floro Adelante Jr., 43 anyos habal-habal driver nga residente sa Prk. 17-A, Brgy. Fatima ning dakbayan nga tungod sa bisyo niini nga pagpamaligya ug iligal nga druga human nga masikop kini sa gipahigayon nga buybust operation sa kapulisan.
Apan pag paklaro niini nga dili kini kanunay nga mamaligya ug iligal nga druga tungod kay runner lang matud pa kini ug shabu sa iyahang amo panahon nga aduna kini baligyaan ug hatagan lang matud pa kini ug usa ka gatus ka pesos matag madeliver niini nga shabu kantidad ug P1,000.00.
Dugang pa niini nga bag-uhay lang niya gisulod ang maong gimbuhaton gumikan sa kalisod sa ilahang sitwasyon ug kulang nga pinansyal, iyahang gisulod ang pagpamaligya ug illegal nga droga aron mahatag ang panginahanglan sa iyahang pamilya hilabi na mga anak nga nagatungha.
Hinuon sayod kini nga sayop ang iyahang binuhatan andam matud pa kini nga atubangon ang silot nga ipahamtang ngadto kaniya sanglit andam usab kini nga makig-alayon sa kapulisan aron nga masikop usab ang supplier niini ug iligal nga droga. (Dave Silagan)
