General Santos City—Gikumpirma ni Police Major Ananias Vasquez ang hepe sa Police Station 2 nga wala pa nila napasakaan og kaso ang suspek gumikan kay usa ka menor de edad nga si Alias John Paul, 17 anyos ,ulitawo ,usa ka mananagat nga nagpuyo sa Zone 6, Saway, Brgy.Labangal ning syudad kansa nasikop sa buy-bust operation alas 11:00 ang takna sa buntag sa may national hi-way Purok San Roque, Labangal, Gensan.
Sumala pa ni Major Vasquez nga ang suspek ilahang gidala sa Bahay Pag-Asa sa may Barangay Sinawal samtang gipaabot pa nila ang resulta sa proseso sa discernment sa DSWD batok sa suspek apan sa panahon nga moabot na ang resulta niini ilaha ng pasakaan og kaso ang nasampit sa kalapasan sa section 5 sa RA 9165.
Dugang saysay sa opisyal nga gawas nga lambigit sa droga ang suspek lambigit man usab kini sa mga kawat sa area sa Police Station 2 og nagtuo si Major Vasquez nga dunay mga tawo nga migamit sa suspek gumikan kay usa kini ka minor de edad og dili basta-basta mapasakaan og kaso.
Samtang pagpaklaro man usab ni Vasquez nga dunay mga kaubanan pa ang suspek og mao kini ang usa nga ilahang ginatutukan aron madakpan sa ilang mga illegal nga gimbuhaton.
Kahibaluan nga napalitan ang suspek og usa ka sachet nga gituohang shabu sa usa ka poseur buyer nga sakop usab sa operative team gamit ang 500 pesos nga buy bust money. (Reynald Timario)
