General Santos City– Gikumperma ni Police Sr. Supt. Raul Supiter nga anaa sa Martial law arrest order no. 2 sa Department of National Defence (DND) si Jamjo Sala Alias Jamjum, dinakpang miyembro sa ansar Al Khilafa Philippines nga nadakpan atol sa gihimong oeprasyon sa operatiba sa Police Regional Office 12 ug sa Gensan City Police Office niadtong nakalabayng gabie.
Segun ni Supiter nga involved usab ang suspect sa mga pagpamomba sa grupo sa AKP sa syudad sa Gensan nga gikamatay sa usa ug gika-angol sa 7 ka mga biktima, ug pag panglabay ug granada sa Maasim nga gikamatay sa usa ka pulis ug gika-angol sa mga kaubanan niini.
Atol sa pag-aresto kaniya, daan nang nagduda ang kapulisan nga aduna kini gihuptang explosibo.
Maayo nalang matud pa nga wala nagamit sa nasangpit nga suspect ang iyang granada batok sa mga pulis nga mi-aresto kaniya.
Nasayran nga dugay na nga gi-surveillance ang maong lugar aron nga masiguro sa kapulisan nag didto nag taguan ang suspect.
Dugang pa sa opisyal nga sa kasamtangan padayon pang ginasuta sa kapulisan kung nganong anaa sa syudad nag taguan ang suspect ug kung aduna ba silay plano nga manghasi sa Gensan.
Gikumperma usab niini nga dunay migawas nga report nga gawas sa nasangpit nga suspect aduna pa kini mga kaubanan nga anaa sa syudad nga padayong gina-locate karon sa kapulisan.
