Ginklaro subong ni Budget Sec. Benjamin Diokno nga indi pa pinal ang P1,000 budget nga ginhatag sang Kamara sa Commission on Human Rights (CHR) para sa 2018.
Suno kay Sec. Diokno, maagi pa man sa Senado ang bersyon sang Kamara kag pinal nga lantawon sa bicameral conference committee antis himu-on nga isa ka layi.
Dugang pa ni Diokno, indi naman bag-o ang nasambit nga insidente bangud sadtong administrasyon ni anay pangulong Cory Aquino, ginhatagan sang piso (P1) nga pondo ang Department of Finance (DoF).
Pero kun isa lang gid ka libo ang paga-aprubahan sang Kongreso para sa CHR, sigurado nga magka-problema ini bangud isa ini ka independent body kag wala sang ahensya sang gobyerno nga pwede maghatag sang augmentation fund.
———–
Like our official Facebook page: www.facebook.com/ifmbacolod943
