Piñan, Zamboanga del Norte – Baldado pa karon ang transportasyon paigon sa lungsod sa Mutia og pagawas sa lungsod sa Piñan human naputol ang tulay atol sa dakong baha sa niaging gabii, agi sa walay puas nga bundak sa ulan dala sa LPA.
Ang maong tulay anaa sa Brgy. Lapu-lapu, tabok sa may Brgy. Dionum, polos sakop lungsod sa Piñan, agianan pagsulod og pagawas sa lungsod sa Mutia.
Sumala pa sa pamilayang Acoymo nagpuyo duol sa Dionum bridge nga badang alas 9:00 pa sa niaging gabii potol na ang tulay human naluad ang dakong punoan sa kahoy’ng Naga nga diha nagbarog sa kilid sa karsada nga maoy nilamba niini.
Gumikan sab sa kakusog sa bul-og sa tubig baha diha sa suba, nga gani gihulagway nilapas sa maong tulay daghanan mga ponuan sa lubi ug nakadaiyang punoan sa mga kahoy nangasagit.
Gikaigon pa nga sa ilang mga silingan dunay tulo ka panimalay diha daplin sa suba ang nangaanod nga gipanag-iya nila Jimmy Villaseca, Marilou Disud, Roland Rivera igon man duha ka motorsiklo.
Gidugang pa nila nga dunay spillway sa pikas barangay nga pwedi maagian paigon sa lungsod sa Mutia apan wa pa nasubay kon wa ba naapil og kaguba.
