Ang maong Pabama Bus, nagtangag og plakang numero AAL 7375, gimanehu ni Christopher Anticristo Mangubat, 44 anyos, minyo, ug residente sa Purok-10A, Camp 1, Maramag, Bukidnon.
Sumala sa report sa kapulisan, nga gadagan gikan sa norte nga bahin ang maong bus padulong sa south nga direksyon sa dihang pag-abot sa may kurbadang-palugsong nga bahin sa maong kadalanan, nawad-an og kontrol ang drayber niini hinungdan nga nabanggaan niini ang nakaparadang motorsiklo ayha mibangga sa punuan sa kahoy.
Gumikan sa disgrasya, bun-og ug pangos sa kalawasan ang naangkon sa drayber sa maong bus ug conductor nga giilang si Cresencio Rizalina, 23 anyos, adunay kapuyo, ug residente sa West Kibawe, Bukidnon. Samtang samaran usab ang drayber sa usa ka Kawasaki Bajaj CT 100 nga motor nga giilang si Arniel Ababon Abadinas, 32 anyos, minyo, ug residente sa Purok-3, Malinao, Kalilangan, Bukidnon.
Samtang muabot usab sa 14 ka mga pasahero ang gipangdala sa balay-tambalanan human nakaangkon og mga pangos ug bun-og sa kalawasan human sa maong disgrasya.
Wala ra hinooy namatay sa maong aksidente ug mipahimangnu nalang ang mga kapulisan ilabi na sa mga nagmanehu nga mag amping sa kadalanan aron nga mahilikay sa susamang mga disgrasya.
