Dipolog City-12 ka mga syudad karon ang giila nga bilyonaryo dinhi sa Pulo sa Mindanao base kini sa ilang kita sa 2018 nga data , gipagawas kini sa Department of Finance.
Ang mao nga syudad gilangkuban kini sa Davao, Zamboanga, General Santos, Cagayan de Oro, Iligan ug Butuan, pulos kini sila Highly-Urbanized Cities (HUCs) dinhi sa Mindanao.
Gisundan sab kini sila sa syudad sa Tagum, Malaybalay, Valencia, Digos ug Mati City.
Kahibaloan ang davao region ang pinaka daghan nga ihap sa bilyonaryo nga syudad nga mo abot sa lima, ug 4 ka syudad sa Northern Mindanao Region.
Sa gipagawas nga data sa Mindanao Economic Boom, 7 ka syudad ang gitan-aw karon nga mahimong sunod nga bilyonaryo sa umaabot nga 1 ngadto sa duha katuigo by 2021, mao kini ang mosunod: Bayugan City (P976.98 million), Cotabato City (P974.80 million), Gingoog City (P941.34million), Koronadal City (P921 million), Dipolog City (P899.38 million), Kidapawan City(P895.25 million) ug Surigao City (P825.77 million).
Sa kasamtangan ang dakbayan sa dinhi sa Dipolog, daghan nga mga dakbalay ang mibarog para sa negosyo ug kun ikumpara kaniadto, layo na ug naabtan ang dipolog kumpara karong panahona tungod kay daghang mga negosyante ang namuhunan karon dinhi sa syudad.
