Si Zamboanga del Norte Police chief Giovanni Hycenth Caliao miingon nga may napulo usab ka munisipy. ang anaa sa orange category.
Pero giklaro sa opisyal nga posible pa kining mausab ug depende na unya sa assessment sa mga pulis, sundalo ug sa COMELEC.
Nagdumili siya sa pag butyag sa mga munisipyo kun Red, orange, yellow ug green category sanglit padayon pa nilang gipanid-an ang palibot samtang nagkaduol ang piniliay.
Sigon pa ni Caliao ang mga parameters sa red category naglangkob sa “intense political rivalry, presensya sa communist’s New People’s Army (NPA), criminal groups, ug kagubot sa election niadtong 2016 ug 2019.
Sa pangutana nganong Red Category ang Dipolog, tungod kini sa mga NPA didto sa Barangay Diwan nga gihimo nilang tagoanan.
Samtang ang silingan nga syudad nga maoang Dapitan anaa sa Yellow Category tungod sa “intense political rivalry.”
Gihimakak usab ni PCOL Caliao ang taho nga may nga hitman sa Dapitan City nga ania karon nag tago-tago sa Dipolog City pero kinahanglan kining hatagan ug pagtagad ug pakusgan ang intelligence ilabi na may 5 ka criminal groups nga naglihok didto sa tersiro distrito.
