Manamnama nga agsubli ita a tawen wenno iti nasapa a paset ti tawen 2020 ti direct flight manipud idiay China kalpasan iti naunday a panawen.
Impakaammo daytoy ni Mr. Xavier Ruiz iti Provincial Tourism Office, kinunana nga impasingked daytoy ti mangimatmaton iti kadakkelan a hotel ditoy Ilocos Norte.
Mainaig iti daytoy, kunana a mamati ni Gobernador Imee Marcos a daytoy ti mangitunda iti iyaadu dagiti gangannaet a turista nga umay agpasiar ditoy probinsia. Inlawlawagna a daytoy ket gapu ta kadagiti kallabes a kaadda dagiti direct flights ket naruay dagiti turista kangrunaanna kadagiti “chinese” wenno intsik ti nagsangpet.
Impasigurado pay ni Marcos iti naiget a seguridad iti Airport nangnangruna kadagiti napaspasamak iti abagatan a passet ti pagilian, nangnangruna ti paagsangpet iti naruay a turista a makipagrambak iti selebrasyun ti probinsya ken kasta pay iti syudad ti Laoag.
Maipalagip a narway pay a produkto dagiti gatgatangen dagiti nadakamat a gangannaet iti tunggal umay da ditoy probinsia.
Iti daytoy panangsarabo iti Chinese New Year, mangnamnama nga umag-adu dagiti agawid a turista nga aggapu saan laeng ditoy pagilian a Pilipinas ngem iti nadumaduma a paset ti lubong.
Bernard Ver, RMN News
