General Santos City— Giangkon ni PDEA Director General Aaron Aquino nga gawas sa mga gituuhang illegal nga druga ug ecstacy, aduna usab narekober nga money trail sama sa cheke kung asa posibleng lambigit ang mayor sa kurapsyon ingon man pagpangawkaw ug kwarta sa katawhan.
Pagkumpirma niya nga nagaluto ug illegal nga druga ang mayor pinaagi sa iyahang kitchen laboratory ug posibleng kini ang alang sa iyahang personal consumption.
Gani apil nga narekeober ang usa ka gamay nga notebook nga ilahang gitawag ug green book kung asa adunay mga pangalan sa mga prominenteng tawo sama sa pulitiko ug mga negosyante nga gituuhang mga druglords ug narco-politicians nga ilaha usab ipa-ilawom sa monitoring.
Dugang pamahayag ni General Aquino nga dako ang ilahang kakurat dihang makita ang maong listahan gumikan sa dagkong kantidad nga nalakip sa maong mga pangalan gani aduna matud pay mga anaa sa listahan nga wala gilauman mahilambigit sa illegal nga aktibidad.
Pagkumpirma ni aquino nga wala sa listahan ni Presidente Rodrigo Duterte si Maasim Mayor Lopez apan anaa kini sa listahan sa PDEA 12 rason nga gipahigayon ang maong operasyon kung asa basi matud pa sa ilahang intel monitoring nagagamitan usab ug illegal nga druga ang mayor.
Pag-angkon niya nga uban sa illegal nga druga sa mayor ang gikan pa sa Bureau Of Corrections basi na usab sa green notebook nga narekober.
