Direksiyon sa 4th ID, gilatag

Gilatag sa 4th Infantry Division Philippine Army ang direksyion sa kasundaluhan ilawom sa pagdumala sa bag-ong commander nga si Brigadier General Franco Nemesio Gacal.

Sa interview sa RMN Malaybalay ngadto kang Capt. Reggie Go, ang deputy Division Public Affairs Office Chief sa 4th ID, gibutyag niini nga sa ilang unang command conference usa sa ilang nahisgutan ang pagpabilin sa pagkamalinawon sa midterm election ilawom sa ilang area of responsibility.

Ikaduha, ang pagsiguro nga protektado ang area sa 4th ID gikan sa mga pagpangatake gikan sa mga terorista. Ilawom niini, doble ang ilang paningkamot kauban ang kapulisan aron maproektahan ang ilang AOR.


Ikatulo matud ni Go nga target usab nila ang pagpahinay ug pag-dismantle sa tanang mga guerrilla front nga naglihok sa rehiyon pinaagi sa pagpahugot sa community support program kon CSP.

Ug ang ika-upat mao ang pagpatuman sa Executive Order no. 70 ni Pangulong Duterte nga mao ang pag-institutionalize sa Whole Nation Approach Policy aron makabaton sa kalinaw ug humanon na ang bakbakan tali sa Gobyerno sa Pilipinas ug rebeldeng NPA.

Facebook Comments