Direktor sa DEPED Region 9, nagpasalamat sa RMN-DXPR Pagadian

35

Pagadian City – Nitunol sa iyang dakong pasalamat ang director sa Department of Education (DEPED-Region 9) sa RMN-DXPR Pagadian gumikan sa mainitong pagsuporta sa estasyon sa programa sa ahensya.
Sa interview sa DXPR kang Director Isabelita Borres, dako iyang kalipay sa pakiglambigit sa sibya-an aron makat-on ang mga estudyante sa pagbansay bansay sa mga bag-ong pamaagi sa pagtudlo pinaagi sa Radyo ug Modular Learning samtang nagapabilin ang hulga sa COVID-19 Pandemic.
Gibutyag ni Borres nga mosanong sila sa direktiba ni Presidente Rodrigo Duterte nga walay Face-to-Face nga klasi samtang wala pay bakuna sa coronavirus disease.
Gisigurado usab niya ngadto sa mga mga ginikanan, estudyante nga naghimo na sila sa mga pagpangandam alang sa pag-abri sa klasi karong agusto 24, 2020.
Ning panahon tagsa-tagsa ka tulunghaan, padayon sa paghimo nga mga gikinahanglan alang sa operasyon para mahatag ang kalidad nga edukasyon ug kaluwasan sa tanan.
Giawhag ni Borres ang mga ginikanan nga mogahin og panahon pagtambong ipahigayon nga parents orientation sa dili pa magsugod ang klase nga e-schedule sa mga school heads.

Facebook Comments