Davao City- Pahumanay na ang construction sa pinakaunang Disaster Resilient Evacuation Center nga nahimutang sa Barangay Los Amigos, Tugbok District, Davao City.
Atol sa media briefing gibutyag ni Committee on Peace and Order chair Councilor Mabel Acosta anaa na kini sa 90% completion.
Magsilbing temporaryong kapuy-an sa mga biktima sa mga kalamidad dinhi sa lungsod ang maong evacuation center.
Makaakomodar ang maong pasilidad og 100 ka mga tao diin ang anaa kiniy banyo, kusina ug mga kwarto.
Gawas pa niini plano usab sa lokal nga panggamhanan nga magmuntar ang og evacuation sites sa Catigan Toril ug Marilog matud ni Acosta.
Sumala sa Davao City Disaster Risk Reduction Management Office (CDRRMO) P26-million ang budget sa gitukod nga Disaster Resilient Evacuation Center nga gitukod sa Los Amigos.
RadyoMaN Aimee Guinita
