Mga kurso sa City College of Davao gibutyag

277

Davao City – Daghang mga kurso ang nakalatag na sa giestablisar nga City College of Davao.


Gibutyag ni City College of Davao Technical Working group chair ug Davao City National High School Principal Wenefredo Cagape atol sa media briefing nga libreng ma-avail sa mga kwalipikadong mga estudyante ang mga kursong Bachelor of Special Needs of Education, Bachelor of Technical-Vocational Teacher Education, Bachelor of Physical Education, Bachelor of Science in Entrepreneurship, Bachelor of Arts in English ug Bachelor of Arts in Filipino.

Matud ni Cagape sugdan na ang klase karong Agosto 2020 sa 1,000 ka mga estudyante.

Gibutyag niini nga aduna nay pasiunang enrollment nga gipahigayon diin sagad sa mga estudyante gikan sa Late Afternoon Program sa lokal nga panggamhanan, Indigenous people ug mga dili gayod kaya nga makaeskwela tungod sa kalisod sa kinabuhi.

RadyoMaN Aimee Guinita

Facebook Comments