Davao City – Giangkon sa Office of the Civil Defense (OCD-XI) nga duna gihapon silay madawat nga mga feedback sa text ug Facebook kabahin sa siren kung diin nangutana kung ngano ug unsay pasabot kung nganong gipatingog kini niadtong nakalabay’ng mga adlaw sa syudad sa Davao.
Sumala ni Leslie Francisco, OCD-XI Information Officer, nagpasabot kini nga nagkinahanglan pa gayud ug dugang mga pagpasabot o pag-edukar sa katawhan diha sa ka barangayan kung unsay tumong niining siren sa higayong patingugon na.
Awhag pud nila sa katawhan nga motambong sa higayong dunay ipahigayong mga drill sa ilang mga barangay gumikan importante kini ilabi na ang kabahin sa siren nga pangunahan sa ilang mga barangay officials pinaagi sa Davao City Risk Reduction Management Council (CDRRMC) ug OCD-XI.
RadyoMaN Bernard Pantallon
