Davao City – Makita ang pagkadisiplinado ni Pres. Rodrigo Duterte matud pa sa iya’ng ikatulong State of the Nation Address (SONA) kagahapon’g adlawa sa Batasang Pambansa Plenary Hall.
Kini maoy panlantaw sa nahitabong SONA kagahapon ni Ateneo de Davao University (ADDU) Department of Political Science Professor Ramon Beleno III atol sa interbyu kaniya sa tulumanong ‘Straight to the Point’ kinsa miingon nga bisan og adunay ginagmay nga ad lib ang pangulo, klaro sa gihapon ang mensahe na iyang angay ipadayag ngadto sa katawhan.
Ang ikatulo’ng SONA sa pangulo, milungtad lang og 50 ka minutos diin gisugdan alas 5:20 sa hapon ug nahuman alas 6:10 sa gabii.
Samtang sa hisgutanan’g paghulip ni kanhi presidente ug Pampangga Congresswoman Gloria Arroyo kang House Speaker Pantaleon Alvarez, mas mamahimong epektibo matud pa ang pag-deliver sa administrative ug legislative agenda sa Duterte administration.
RadyoMaN Jason Amisola
