Niubos ug halos 50% ang mga customer sa Liv Super Club sa Mandaue sukad naapil sa imbistigasyon sa Senado ang usa sa mga tag-iya niini nga si Kenneth Dong bahin sa drug shipment gikan sa China .
Nabalaka ang Operations Manager sa disco bar nga si Benray Conti nga kung padayong momenos ang gidaghanon sa ilang mga customer tungod sa isyu batok ni Dong , lagmit manira ang ilang establisamento .
Matud ni Conti si Dong “minority owner” lang sa disco bar ug way direktang partisipasyon sa operasyon niini .
Giklaro usab ni Conti nga way ilegal nga aktibidad nga nahitabo sud sa ilang disco bar .
Ang Bureau of Fire Protection nag-inspeksiyon kagabii sa Liv Super Club aron pagsura kung wa bay kalapasan sa Fire Safety Code ang establisamento.
Facebook Comments
