Anaay bag-ong abli nga pagkaonan sa I.T. Park, Cebu City kung diin unique ang concept niini. Mga hugot lines all over the place ug lamian pa gyud nga mga pagkaon. Colorful ang lugar apan medyo pang-masa ang price ug ang food nga naa sa ilang menu.
Naay mga sinugba, prito, kinilaw, ug boodle fight set. Kasagaran sa ilang food pang-barkada gyud.
Suma pa nga nag-originate ang maong food place sa Cagayon De Oro City. Ug suma pa sa akoang reliable source nga same owner kuno ni sikat pud nga Bigby’s.
Empleyado nag-budots
Apan ang usa sa mga highlights sa maong food place mao ang pag-sayaw sa tanang mga dining crew niini. Kalit lang nga napawong ang suga ug misiga ang mga disco lights ug mitugtog ang mga sikat nga budots songs sama sa “Hala Ang Kabaw, Ang Tao” ug “Kiat Gyud Day”.
Ug pwerteng siyagit sa mga diners sa dihang nikalit og sayaw ang mga trabahante og budots. Busog na sa lamian nga Pinoy foods, lingaw pa sa ilang pasundayag nga budots!
Basta idol, naa sila nahimutang sa may Central Block, atbang sa The Walk sa may I.T. Park. Boy Zugba ang name sa pagkaonan (mura diay ako ang tag-iya, Boy Kirat haha). Dili ko endorser nila idol ha, nahan lang ko makasinati ka sa ka-hugyaw sa maong experience. I na ta, idol! Nyahaha!
