Roxas City, Capiz- Nagfile na sang iya nga Certificate of Candidacy(COC) si CDRRMO head Mr Rommel Lastimoso sa pagka-alkalde sang Roxas City.
Ini sang sa idalom sang Partido Demokratiko Pilipino–Lakas ng Bayan(PDP-Laban).
Siya ang gin-updan sang mga taga-suporta lakip ang amay nga si Ret. P/Director General Roberto Tupas Lastimoso.
Kalakip sa linyada ni Lastimoso bilang mga kandidato sa pagka-city councilor ang lunsay mga incumbent barangay captain, barangay kagawad kag former barangay captain diri sa syudad sang Roxas.
Ang mga ini amu sanday Kapitan Medilo Ocampo sang Milibili, Kapitan Moreno “Moring” Gonzaga sang Cagay, Kapitan Rufino Dunton sang Brgy. XI, Kapitan Martin Antonio Pimentel sang Brgy. I, Kagawad Mike Xander Agrasada sang Banica, former Lawaan Brgy. Captain Randee Albar kag former Mongpong Brgy Captain Wilson Acerbo.
Antes sini, isa anay ka misa ang ginpatigayon sa San Vicente Ferrer Parish Church sa Barangay Cagay nga ginsundan sang caravan padulong sa City Comelec Office.
