General Santos City— patay ang driver sa motorsiklo samtang angol usab ang nabanggaan niini sa national highway, corner Koronadal Proper, Purok 3, Barangay Crossing Palkan, Polomolok, sa nakalabayng gabie.
Patay si Kem Bert Villasoto Infante, 25, residente sa Dahlia Street, Poblacion, Polomolok.
Samdan usab ang biktimang si Joemar Manigo Melana, 27, residente sa Koronadal City.
Sa report sa Polomolok Municipal Police Station nagkanayon nga anaa nakaparking sa outer lane sa highway ang sakyanan ni Melana nga usa ka Toyota Fortuner, kolor puti nga nagtangag ug plate number ZCB-698.
Minaog matud si Melana sakyanan dihang kini nabanggaan sa motorsiklong gimanihuan ni Infante. Nakaangkon ug grabing samad sa nagkandaiyang parti sa lawas si Infante kansa daling gidala sa ospital apan gideklara kining dead on arrival.
Samtang gidala usab sa balay tambalanan ni Melana human nakaangkon ug mga samad.
