Disgrasya sa dalanon sa subong ang madamo nga narespondiran sang mga municipal, city kag provincial disaster Risk Reduction and Management Council dire sa probinsya sang South Cotabato tungod kada adlaw may-yara gid sang marekord.
May-angot sini, makabig suno pa nga alarming na ang kaso sang disgrasya sa dalanon dire sa probinsya tungod may-yara sang mapatay sa insidente.
Samtang, suno kay PDRRM Action Officer Mila Rivera ginrekomendar niya sa ginpatigayon nila nga pagsinapol nga mga disaster risk reduction and management council sa probinsya nga magpatigayon sang information education campaign kon nagtaas gid ang kaso sang disgrasya sa dalanon sa ila nga area of responsibility.
Dapat man suno pa nga sikyaron sang mga DRRMC ang signages ukon warning sa mga dalanon kon kinahanglan nga dugangan kag hugot nga implementasyon sang balaud.
