General Santos City- Mikabat 549 ang ihap sa disgrasya sa kadalanan sa Polomolok, South Cotabato gikan bulan sa Pebrero hangtod Oktubre tuig 2017.
Subay sa datus sa Traffic Management Unit sa POlomolok nasuta nga sa maong ihap mukabat sa 37 ang konpirmadong patay tungod sa maong insidente.
Bulan sa Setyembre ang adunay pinakadaghang aksidente nga mikabat sa 71 ug Marso usab ang adunay pinakataas nga ihap sa namatay nga mukabat sa 30 .
Sa pakighinabi kang PO3 Bobby M. Villena Head Traffic Investigator sa maong munisipyo nga ang national highway ang pinaka prone nga lugar sa disgrasya ug motorsiklo usab ang kasagarang biktima niini.
Pahimangno ni Villena sa mga motorista nga gi kinahanglan ang disiplina sa kaugalingon aron malikayan ang lagmit nga disgrasya.
Nasayran nga sa tuig 2015 anaa sa 551 ang natalang disgrasya sa Polomolok gikan enero hangtud sa bulan sa disyambre, samtang sa tuig 2016 nakatala ang Traffic Management Unit ug mukabat sa 641 nga ihap sa disgrasya sa kadalanan.
