Davao City – Gisugdan na sa Department of Agriculture (DA) ang disinfection sa mga apektadong barangay sa syudad sa Davao human nga 100% nang nakompleto ang depopulation sa mga baboy tungod sa African Swine Fever (ASF).
Sa interbyu sa DXDC RMN Davao kang Noel Provido, Spokesperson sa DA-XI, gibutyag niini nga nakompleto na ang depopulation sa Brgy. Lamanan ug Brgy. Dominga, Calinan, Davao City ug gisugdan na ang disinfection pinaagi sa adlaw-adlaw nga pag spray sa lugar.
“We are now doing the disinfection of the area sa kadtong mga baboy, for around thirty days daily na siya gina sprayhan siya og mga disinfectant. Until such time, after thirty days, we’ll introduce the sentinel animals,” saysay ni Provido.
Sumala sa Davao City veterinarian’s office, anaa sa 2,343 ka mga baboy ang na-depopulate sa duha ka barangay sa Calinan district ug padayong i-monitor sa CVO ang decontamination and disinfection activities sa maong mga lugar.
RadyoMaN Kirby Manzon
