P700-K damyos sa Bucana fire

37

Davao City – Mikabat sa kapin kun kulang P700,000 ang damyos sa nahitabong sunog sa Purok 32, Holy Trinity, Brgy. 76-A, Bucana, Davao City pasado alas-4 sa hapon kagahapong adlawa, Pebrero 12, 2020.

Sa interbyu sa DXDC RMN Davao kang Senior Fire Officer (SFO) 3 Felix Amistad Jr. sa S.I.R. Fire Station, gibutyag niini nga 14 ka mga balay ang naugdaw diin kadaghanan niini mga barong-barong.


Subay sa imbestigasyon sa Bureau of Fire Protection (BFP), nabiyaang naka andar nga electric fan ang hinungdan sa sunog diin nagsugod ang kalayo sa balay ni Elomenada Pilones sumala ni Rufina Doña nga silingan ra usab sa nahisgutan.

“Cause of fire is the unattended electrical appliances particularly kining ginatawag nato nga electric fan,” butyag ni Amistad.

Pahimangno sa opisyal nga siguradohong naka unplug ang mga appliances sulod sa balay ayha mugawas o mulakaw aron kalikayan ang unsa mang insidente sa sunog.

RadyoMaN Kirby Manzon

Facebook Comments