Roxas City, Capiz – Ginlunsyar kaina sang aga sa Capiz PPO ang “Disiplina Muna” Campaign para sa mga kapulisan.
Ini ang ginpangunahan nanday CPPO Provincial Director Col Julio Gustilo Jr kag DILG Capiz Provincial Director John Ace Azarcon kun sa diin gintambungan naman sang mga katapo sang kapulisan sa Capiz.
Suno kay Police Executive Master Sargeant Donna Asmod, katuyoan sini nga himuon nga mangin ehimplo ang kapulisan sa pagdisiplina sang ila kaugalingon agud sila man ang pagasundon sang komunidad.
Ginpunto man ni Asmod, nga ang maayo nga pag-ginobyerno ang nagakinahanglan sang bulig sang tanan kag indi lamang pag-isalig sa gobyerno.
Ang nasambitan nga advocacy campaign nga may yara sang tema nga ” Matatag, Maginhawa at Mapanatag na Buhay Para sa Lahat” ang naga-ugyon sa programa sang gobyerno nga mag-mentenar sang “culture of discipline” sa tanan nga membro sang organisasyon.
📷(c) – Capiz PPO PCADS
