MOTORISTA NGA MOAGI SA BIKE LANE POSIBLE NA MATIKETAN

13

Mag-atubang na og violations ang mga motorista nga mosubay sa bike lane sa Davao City. Kini kung mahuman na ang amendments sa Bicycle Ordinance ug sa Traffic Code of Davao.

Sumala ni City Transport and Traffic Management Office head, Dionisio Abude, idili pud sa maong ordinansa ang pag-parking sa mga designated bike lanes.


Dugang ni Abude nga gina-finalize na ang penalties sa parking ug obstruction sa bike lanes. Apan pagpaklaro ni Abude nga bisan karon pa lang, duna nay multa nga kinyentos pesos ang pag-parking sa mga bike lanes, sanglit makonsidera kini nga disregarding traffic signs violations.

Gitugotan hinuon sa CTTMO ang mga motorista nga mag unload og pasahero o mohunong kadiyot sa bike lanes, apan kinahanglan dili kini molampas sa kuwatro minutos.

Facebook Comments