South Cotabato–Gikondena sa pamunuan sa South Cotabato, Integrated Provincial Health Office ang nahitabong diskriminasyon sa mga health workers ug uban pang frontliners nga nagtrabaho sa probinsiya.
Segun ni Provincial Health Officer Dr.Rogelio Aturdido Jr. nga dili lalim ang trabaho sa mga health workers ug frontliners sa probinsiya asa sila ang mo-atiman sa mga tawo nga dunay sintomas sa covid 19.
Panawagan na lamang sa opisyal sa publiko nga respetuhon nila ang mga nasampit inay nga sultihan ug sakit nga pinulongan nga dili man sila ang kalaban kon dili ang kalaban mao man ang corona virus.
Dugang pamahayag ni Dr.Aturdido nga wala siya nagkulang sa pagpahinumdum sa katawhan sa probinsiya nga ang mga frontliners ug mga health workers ang maoy nagsakripisyo aron nga mabantayan kadtong tawo nga dunay sintomas sa covid 19.
Gipaklaro usab niini nga walay laing propesyon nga makahimo sa gihimo sa mga health workers samtang naga-atiman kini sa mga tawo nga dunay sintomas sa covid 19 ug kabalaka usab nga basin sila na usab ang mataptan sa makamatay nga virus.
Dugang pa ni Aturdido nga dunay gustong mo-undang nga mga health workers sa ilang trabaho tungod sa diskrimanasyon apan gumikan mao man ilang gisudlang trabaho padayon kining mihatag ug serbisyo sa katawhan. (RV)
