Gindimiss sang Office of the Ombudsman ang kaso nga ginpasaka ni anay Board Member Liecel Mondejar-Seville batuk kay Mayor Christian Sorongon sang banwa sang New Lucena, Iloilo.
Ini matapos wala nakitaan sang Ombudsman nga may probable cause ang nasambit nga reklamo agud i-indict si Soroingon.
Sa 9 ka panid nga decision, ginpahayag sang Ombudsman nga napaslawan ang kampo ni Seville nga pamatud-an ang reklamo sini batuk kay Sorongon kabangdanan nga gin-dismiss ang nasambit nga kaso.
Ang nasambit nga kaso ginpasaka ni Seville sa Ombudsman sang Nobyembre 10, 2016 angut sa alegasyon nga paglapas ni Sorongon sa Article 217 sang Revised Penal code nga Malversation of Public Property bangud sa pagpahanugot kuno sa body guards sini nga maggamit sang government issued fire arms pinaagi sa pag-isyu sang mission order para sa iya kaugalingon nga interes.
Ang desisyon napetsahan Abril, 2, 2018 kag pirmado ni Ombudsman Conchita Caripo-Morales.
