General Santos City—Samad sa lawas ang naangkon sa usa ka dispatcher human kining gidunggab sa hubog sa area sa may Magsaysay Avenue corner Niyog Street, Barangay South, Gensan alas 8:30 ang takna sa gabie.
Biktima giilang si Daniel Mamaso,legal age ug residenti ning dakbayan sa Gensan.
Subay sa blotter report sa Police Station 1 nasuta nga nagtindog lang ang biktima sa lugar dihang kalit lang miduol ang suspek nga si Romy Baricuatro, 35 anyos, nga taga Purok Saludin, Barangay Labangal, Gensan.
Walay gisulti ang suspek sa biktima kalit lang niyang gidunggab ang nasampit gamit ang kutsilyo igo sa iyang lawas.
Nakit-an sa mga bystander sa lugar ang insidenti mao nga ilang gitabangan ang biktima nga madala sa ospital, samtang suspek ilang gidakop ug giturn-over sa PNP.
Sa karon ang suspek balhog na sa silda sa Police Station 1 ug gihuwat nalang ang desisyon sa biktima kung iya bang pasakaan ug kaso ang suspetsado.
