Davao City – Undangon ang dula ug paminawon usa ang ilang bahin.
Kini mao ang buot mahitabo karon ni Eunice Gaan, legal guardian sa unom ka mga student-athletes gikan St. Roberts International Academy (SRIA) sa Ilo-ilo City kinsa pulos gidiskwalipika aron modula sa badminton elementary ug secondary sa nagpadayong Palarong Pambansa 2019 isip representante sa Region 6 Western Visayas Regional Athletic Association (WVRAA).
Saysay ni Gaan nga Abril 18 nadawat nila ang resolusyon labot sa pagdiskwalipika sa ilang mga estudyante diin ginakwestyon ang ilang residency subay sa Palarong Pambansa Board Memorandum (PBBM) No. 4.
Gibarugan ni Gaan nga dili lamang bonafide apan residente na ang mga na asoy sa syudad sa Ilo-ilo diin matud pa gibasehan lamang ang NSO birth certificate sa mga bata ni Alex Borromeo, Assistant Coach Secondary Boys sa Negros Occidental badminton, kinsa maoy nag protesta.
Una nang giprotestahan sa Negros Occidental ang eligibility sa maong mga manunula sa Regional nga lebel apan migula sa Regional Screening Action Committee (RSAC) Resolution 2019-01 nga kwalipikado kining modula sa WVRAA.
Subli kining gi-apelahan apan na-deny ilawom sa Regional Screening Action Committee (RSAC) Resolution 2019-02.
Dugang sa maong legal guardian nga migula una sa online ang maong resolusyon una pa man gipadala kanila pinaagi sa e-mail gani wala kini gitunol sa personal ingon man nagpatawag sa ilang atensyon.
Gumikan niini gina kwestiyon nila karon ang personahe nga nag-apruba sa National Screening Action Committee (NSAC) kung nganong nahimo kining posible.
Nasayran nga defending champion na sa milabayng Palarong Pamabansa 2018 ang maong mga atleta partikular ang girls division alang sa dulang bandminton.
Sa pagkakaron, gikonsulta na sa SRIA school director ang ilang legal counsel gani nagpaabot na lamang og Temporary Restraining Order (TRO).
RadyoMaN Jason Amisola
