Magapatigayon sang pilot testing sa mga learning modalities nga gamiton sa pagbukas sang klase sa Agosto 24 subong nga tuig sa tunga sang COVID-19 pandemic ang Division of South Cotabato sa Hulyo 15.
Suno kay Division of South Cotabato Schools Supt. Ruth Estacio tanan nga district sa idalom sang division ang magapatigayon sang dry run sa radio based, modular, online kag blended learning.
Ginpahayag ni Estacio nga ipatigayon sang division ang dry run bag-o pa man ang ipatigayon nga pilot testing sang Department of Education ukon Dep. Ed. 12 sa katapusan nga semana sang bulan.
May-angot sini, suno sa iya pagkatapos sang dry run magapatigayon sila sang assessment kon ano ang mga problema nga nagtuhaw agud maaksyunan bag-o pa man ang pormal nga pagbuka sang klase sa Agosto 24.
