Yara na sa 126 sa 246 ka mga establishemento nga ginalakipan sang barbershops, salon kag dine-in resto dire sa probinsya ang namonitor sang Department of Trade and Industry ukon DTI South Cotabato kon bala nagacomply sang mga health protocol agud mapunggan ang paglapta sang coronavirus disease ukon COVID-19.
Suno kay trade and industry development specialist Ria Hallarsis sa nasambit nga numero sang mga establishemento nga namonitor wala gid sang nakaperfect ukon may kakulangan gid.
Ginkumpirmar ni Hallarsis nga ang kakulangan sang kadam-an nga mga establishemento ang thermal scanner nga ginagamit bag-o pa man magsulod ang mga customer.
Samtang ginaawhag naman ni Hallarsis ang mga establishemento nga magkooperar sa ginapatigayon nga inspeksyon sang DTI kag DOLE tungod indi man ang katuyuan sini nga ipasarado sila kundi buligan nga macomply ang health protocol para maprotektahan ang tanan batok COVID-19.
