Division of South Cotabato Supt. Estacio ginaawhag ang mga ginikanan nga ipalista na ang mga kabataan sa ginapatigayon nga early registration.

Ginaawhag ni Division of South Cotabato Schools Supt. Ruth Estacio ang mga pumuluyo dire sa probinsya nga ipaenrol na ang mga kabataan kon magkinder na, grade 1, grade 7 kag grade 11 tungod wala naman sang bayran.
Ginpahayag man ni Supt. Estacio nga wala nalakip sa kamanduan sang Department of Education nga pagsuspindir sang mga aktibidad bangud sa paandam sang coronavirus disease 2019 ukon COVID -19 ang pagpatigayon sang early registration sa mga public schools tungod indi naman madamo nga tawo ang nagakadto sa mga eskwelahan.
Magadugay naman tubtob sa Marso 6 ang early registration kag kada Sabado ini nga adlaw.
Nahibaluan nga katuyuan sang nasambit nga programa sang Dep.Ed. nga preparahan ang pagbukas sang school year 2020-2021.