Davao City – Unang una gyud mosantop dayon sa panghuna-huna sa tawo kung pasko malipayon pinaagi sa malipayong espiritu tungod kay natawo ang atong manunubos.
Sumala ni Monsignor Paul Cuizon sa Sacred Heart of Jesus, nahimo nang kultura sa mga Pilipino nga ginaselebrar pinaagi sa mga party, reunion, gift-giving ug uban pa.
Gipasabot usab ni Cuizon nga dili malikayan nga dunay mga tawo mobati ug ‘krisismas’ inig abot sa Pasko nga walay madawat nga kwarta o blessings tungod kay naandan na kay nahimong materyalismo ang pagsaulog sa Pasko.
Hinoon giklaro sa Monsignor nga bisan ug unsay mahitabo dunay krisis o wala, kinahanglang magpasalamat kita ug maglipay tungod kay nagpakatawo ang manunubos aron mosulod sa atong kasing-kasing.
Samtang gitin-aw usab ni Sovereign Grace Baptist Church pastor Andres Atup nga ang pagsaulog sa Pasko dili lamang kay daghan ug pagkaon, kwarta ug uban pa, kondi ang pagdevelop sa giingong ‘spiritual life’ tungod kay si Kristo maoy tinuod nga ‘Passover’ (Pasko) nga gipaanhi sa kalibutan sa iyang Amahan aron palamboon ang kinabuhing espirituhanon isip tinuod nga diwa sa pasko.
RadyoMaN Bernard Pantallon
