Atol sa AFP-PNP Press Conference gahapon, May 8, 2024, gibutyag ni DLPC Spokesperson Fermin Edillon nga posibleng mutaas ang singil karong Mayo nunot sa nagkataas usab nga demand.
“We would like to remind the customers, kita tanan nga mu-conserve gyud sa enerhiya. Para pud dili mudako ang atong demand. Individually, kita pud konsumante, dili pud dako ang impact sa atong bulsa,” pahinumdom ni Edillon.
Hinuon, iyang giklaro nga bisan pa sa El Niño phenomenon, bastante gihapon ang supply sa kuryente sa Davao City.
Samtang, gipahibalo sab sa buhatan nga makasinati og unom ngadto sa walo oras nga walay kuryente ang areas sa Catalunan Grande, Tulip Drive Matina Crossing, Brgy. Matina Crossing ug Sasa karong adlawa ug ugma May 10, 2024 tungod sa maintenance activities.
RadyoMan Ivy Parido
