Malaybalay City, Bukidnon – Gikumpirma sa 4th Infantry Division, Philippine Army nga adunay mga opisyales sa barangay ug lungsod dinhi sa Rehiyon 10 nga nag-doble kara sa pagsuporta sa rebelding New Peoples’ Army (NPA).
Sa interview sa RMN Malaybalay ngadto ang MGen. Ronald Villanueva, ang commander sa 4th ID gibutyag niini nga adunay gayoy pipila ka mga barangay opisyales ang napugos sa pagsuporta sa walhong pundok tungod kay gihulga.
Aminado ang opisyal nga ang nag-unang rason nganong doble-kara kini gumikan sa seguridad.
Dungan niini, nagpahimangno ang heneral nga adunay gipanumpaan ang mga elected officials nga panalipdan, ug protektahan ang katawhan.
Una nang gibutyag sa AFP nga dili dali ang pagsumpo sa problema sa insurhensya tungod kay pipila sa mga opisyal ang nagsuporta usab sa rebelding New Peoples’ Army (NPA).
Hangtud lig-on matud pa ang masa sa mga lugar nga anaa ang simpatiya sa NPA magpadayun ang pagpanghasi sa mga rebeldi ug makaapekto sa kahusay ug kalinaw.
