Gisupak sa pipila ka grupo ang dobleng plaka sa mga motorsiklo kon ang Republic Act 11235 o ang Motorcycle Prevention Act kung asa apil sa bag-ong balaod ang mga tricycle.
Sa interview sa RMN Malaybalay ngadto kang Joel Gabatan ang regional coordinator sa National Confederation of Transport Union kon NCTU region 10 gisaway niini ang maong mga balaod.
Matud niya nga wala naghimo ug konsultasyon ang mga magbabalaod kalabot niini.
Sigun pa ni Gabatan nga dili desinyo sa mga motor ang pagbutang ug plaka sa atubangan ug naghatag ug kadelikado sa mga motorcycle riders.
Gidugang pa niya nga wala pa man gani daw na-release ang mga backlog nga plate number dugangan pa sa mao nga balaod.
Samtang sa interview sa RMN DXMB ngadto kang Atty. Ariel Inton, ang pangulo sa Lawyers for commuters safety and protections gibutyag niini nga kung ipatuman ang mao nga balaod apektado ang mukabat sa 40 million ka mga motorcycle riders owner sa tibook Pilipinas.
Matud ni Atty. Inton nga dili usab pwedeng idalahig ang 40 milyon ka mga motorcycle riders sa krimen nga gihimo sa 40-60 thousand lang tungod kay gamay lang kini nga porsiyento sa kinatibuk-ang ihap sa mga motorista.
Mas maayo matud pa nga pahugtan ang police visibility ug uban pang measures aron mapugngan ang kriminalidad.
