Doctor arestao

Porcausa nohay pwede atende el un Doctor na hearing na RTC na Ipil, Zamboanga Sibugay, el corte ya hace sale contempt of court warrant para su aresto.
Pasada alas 12 del meja dia ayer cuando el maga pulis del Central Police Station ya apunta na un hospital para servi el warrant of arrest na caso de contempt of court con Dr. Jonathan V. Galicia.
Dayun ya lleva con el doctor na estacion del pulis y ya pone na diila custodia.
Asegun nohay aparese el doctor na hearing na caso de homicide donde el uno del maga testigo, na branch 36.
Porcausa con este ya tene que man contempt el corte conese y ya imbya copya del warrant aqui na ciudad.
Pero asegun con el doctor nohay le recivi sobpeana desde na corte si porque nohay le puede atende con el hearing.
Manyana ay tene ya que lleva na Ipil con el doctor para entrega na corte.