*General Santos City— Nagpa-abot ug reklamo si Police Staff Sgt. Willie Manalo nga nakabase sa police station 2 human nga gipahulat ug halos duha ka oras alang sa medical examination sa ilahang dinakpan.*
*Sumala sa pulis nga wala sila gihatagan ug pagtagad sa doktor nga nailang si Billy Balmes nga maoy duty physician niadtong tungura bisan ug mihatag na sila ug request for medical. Pamahayag niya ang pagpa-ilalom sa medical sa tanang dinakapan ang lakip sa ilahang protocol gumikan dili mamahimong isulod sa selda kung dili mapasuta ug doktor ang kinsa mang dinakpan.*
*Saysay niya nga dili kini ang unang higayon nga wala sila gitagad ni Dr. Balmes gumikan pareho usab nga reklamo ang ginapabot su bang police station kung kini maoy duty physician.*
*Dugang pamahayag ni PSSGT. Manalo nga dili mu-konsyum ug taas nga oras ang medical para sa mga dinakpan ug unta masabtan matud pa kini sa ubang mga doktor.*
*Pagpaklaro niya nga dili lang ng pagpa-ilalom sa medical sa mga dinakpan ang ilahang trabaho rason nga unta hatagan sila ug pagtagad sa kinsa mang duty physician sa Dr. Jorge P. Royeca hospital. Isip usa matud pa ka pulis, aduna usab silay dagang trabaho nga nagahulat aron nga mapabilin ang kalinaw sa ilahang area of responsibility ug daghan usab silang mga kinahanglang respondihan.*
*Siya nanghinaut nga mahatagan kini ug pagtagad ni Gensan City Mayor Ronnel Rivera.*
